- İctimai iaşə müəssisələrində təmizlik-dezinfeksiya işlərinin həyata keçirilməsi ilə bağlı maarifləndirici videoçarx
- İctimai iaşə müəssisələrində COVID-19-a qarşı mübarizə ilə bağlı videoçarx
- İctimai iaşə müəssisələrində tibbi maskadan necə istifadə edilməlidir?
- Mal-qaranın kəsimi zamanı zəruri qaydalar
- Şəxsi gigiyena qaydaları haqqında məlumat vərəqələri müəssisələrdə yerləşdirilməlidir
- Yoluxucu xəstəliklərdən qorunmaq üçün otellərdə və turizm müəssisələrində bir sıra tövsiyələrə diqqət yetirilməlidir
- Karantin rejimindən mərhələli çıxış üzrə ictimai iaşə müəssisələrində əməl edilməsi vacib qaydalar
- Karantin rejimindən mərhələli çıxış üzrə ictimai iaşə müəssisələrində əməl edilməsi vacib qaydalar
- Ərzaq satışı müəssisələrində əməl edilməsi vacib qaydalar
- Ərzaq satışı müəssisələrində əməl edilməsi vacib qaydalar
- Ərzaq mağazalarında dezinfeksiya edilməsi vacib olan sahələr
- Hamilə qadınların qida rasionu
Ürək-damar xəstəliklərinin inkişafına meyvə-tərəvəzlərin az, duz və doymuş turşuların isə həddindən artıq istehlakı, gündəlik qəbul edilən qidaların tərkibində lifin azlığı və ya olmaması, qeyri-adekvat və balanslaşdırılmamış qidalanma kimi amillər təsir edir. Artıq çəki və piylənmə, qanda yağların səviyyəsinin yüksəlməsi, yüksək qan təzyiqi xəstəliyin baş vermə ehtimalını artıran risk faktorlarındandır. Ürək-damar xəstəliklərinin inkişafı həyat tərzi, xüsusən tütünçəkmə, mütəmadi alkoqol qəbulu, az fiziki aktivlik, eləcə də emosional gərginlik kimi amillərlə sıx əlaqəlidir. Xəstəliyin yaranma səbəbləri arasında irsi meyillilik, yaş və cins də böyük rol oynayır. Belə ki, xəstəlik daha çox 40 yaşdan yuxarı insanlarda müşahidə edilir. Ürək-damar xəstəliklərinin profilaktikasında düzgün və sağlam qidalanma şərtdir.
Mütəxəssislər ürək və damarları qorumaq üçün tövsiyə edirlər:
- Qidanı gündə 5-6 dəfə olmaqla kiçik porsiyalarla qəbul etmək lazımdır
- Gün ərzində istifadə edilən duzun miqdarı azaldılmalıdır. Duz bədəndə artıq mayenin toplanması ilə ödəmin yaranmasına və qan təzyiqinin artmasına səbəb olur
- Heyvan mənşəli yağların qəbulunu azaltmaq lazımdır. Konservləşdirilmiş ət, yağlı quş əti, kolbasa və s. məhsullar xolesterolla zəngin olduğu üçün qan damarlarına yığılaraq ürəyi qidalandıran damarların funksiyasının pozulmasına səbəb ola bilər
- Gün ərzində 1,5-2 litr su qəbul edilməlidir
- Spirtli və şirin içkilərdən imtina olunmalıdır
- Kaliumla zəngin qidalar (banan, üzüm, gavalı, ərik və onların şirəsi, quru meyvələr, itburnu, həmçinin kartof, kələm, balqabaq) ürək üçün olduqca faydalıdır
- Tərkibində maqnezium duzları ilə zəngin olan qidalar (çovdar və buğda kəpəkli çörəklər, yulaf, arpa və qarabaşaq yarması, çuğundur, yerkökü, kahı, cəfəri, qoz, badam, qara qarağat) istehlakına üstünlük verilməlidir
- Balıq tərkibindəki Omeqa-3 sayəsində sağlamlığa faydalı olan vacib məhsullardandır və qida rasionunda əsas yer tutmalıdır
- Yatmazdan əvvəl yaranmış aclıq hissini aradan qaldırmaq üçün 1 stəkan kefir və ya 1 ədəd alma yeyilə bilər