Əli Nəbiyev
 (Sədr)

Əli Tahir oğlu Nəbiyev 26 aprel 1993-cü ildə Bakı şəhərində anadan olub. Ali təhsilini Hüquqşünaslıq ixtisası üzrə Bakı Dövlət Universitetində alıb.

2016 – 2019-cu illərdə Azərbaycan Respublikasının Ədliyyə Nazirliyində müxtəlif vəzifələrdə çalışıb.

2019 – 2021-ci illərdə "Azərbaycan Dəmir Yolları" QSC-də Hüquq İdarəsinin Məhkəmələrlə iş şöbəsinin rəisi və Hüquq İdarəsinin rəis müavini vəzifələrində fəaliyyət göstərib.

2021 – 2023-cü illərdə Azərbaycan Respublikasının Qida Təhlükəsizliyi Agentliyində Hüquq, kadr və icraya nəzarət şöbəsinin müdiri vəzifəsində çalışıb.

30 iyun 2021-ci ildən Mediasiya Şurasının İdarə Heyətinin üzvü kimi fəaliyyət göstərir.

21 iyul 2023-cü ildə Azərbaycan Respublikası Qida Təhlükəsizliyi Agentliyi sədrinin əmri ilə Azərbaycan Respublikasının Qida Təhlükəsizliyi Agentliyinin tabeliyində Azərbaycan Qida Təhlükəsizliyi İnstitutu publik hüquqi şəxsin İdarə Heyətinin sədri vəzifəsinə təyin edilib.

Rus və ingilis dillərini bilir.

Ailəlidir.

Tamilla Əliyeva 
(Sədr müavini)

Əliyeva Tamilla Aliyevna 1963-cü il martın 26-da Sumqayıt şəhərində anadan olub. 1980-cı ildə Xırdalan şəhər 2 saylı orta  məktəbi  bitirib. 1987-ci ildə Azərbaycan Dövlət Universitetinin Biologiya fakultəsini bitirərək ali təhsilli bioloq, 2007-ci ildə Azərbaycan Kənd Təsərrüfatı Akademiyasının Baytarlıq fakültəsini başa vuraraq baytar həkimi ixtisaslarına yiyələnib.

1988-2014-cü illər ərzində Azərbaycan Dövlət Baytarlıq Preparatlarına Elmi Nəzarət İnstitutunda böyük laborant vəzifəsindən direktor vəzifəsinədək yüksəlib. 2015-2018-ci illərdə Baytarlıq Elmi-Tədqiqat İnstitutunun direktoru vəzifəsini icra edib. Hazırda Azərbaycan Respublikası Qida Təhlükəsizliyi Agentliyinin tabeliyindəki Azərbaycan Qida Təhlükəsizliyi İnstitutunun İdarə Heyətinin sədr müavini vəzifəsində çalışır.

2000-ci ildə dissertasiya mudafiə edərək biologiya elmləri namizədi, alimlik dərəcəsi alıb. 2006-cı ildə Ali Attestasiya Komissiyası tərəfindən dosent elmi adı verilib. 2012-2014 illərdə Amerika Birləşmiş Ştatlarının CDC təşkilatının Gurcüstandakı ofisinin Cənubi Qafqaz Regional Programı çərçivəsində Tətbiqi Epidemiologiya və Laboratoriya Menecmenti üzrə təlim kurslarını bitirərək beynəlxalq sertifikat əldə edib. 56 elmi əsərin müəllifidir. Bu əsərlər ölkəmizdə və xaricdə çıxan dövrü elmi məcmuələrdə nəşr оlunub. Respublikamızda və xaricdə кeçirilən çox sayda elmi-praкtiкi коnfrans, simpozium və seminarlarda fəal iştirak edib. 

Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) tərəfindən keçirilmiş “Quş qripi və Azərbaycan Respublikasında heyvandarlıq sektorunun inkişaf Strategiyası”na dair layihələrin milli eksperti kimi fəaliyyət göstərib. Hazırda dabaq xəstəliyinə dair regional layihədə Azərbaycan Respublikası tərəfindən milli ekspert  kimi çalışır. Beynəlxalq Heyvan Sağlamlığı Təşkilatının Kommunikasiya və Baytarlıq Preparatlarının Nəzərəti üzrə Milli Cavabdeh Şəxsdir.

2007-ci ildən Yeni Azərbaycan Partiyasının üzvüdür.

Ailəlidir, 1 oğlu var.

Elina Sulyayeva 
(Sədr müavini)

Sulyayeva Elina Vəzirovna 1989-ci il yanvarın 29-da Bakı şəhərində anadan olub. 2007-ci ildə Bakıda 201 nömrəli tam orta məktəbi fərqlənmə attestatı, 2011-ci ildə Bakı Dövlət Universitetini (BDU) tətbiqi kimya ixtisası üzrə fərqlənmə diplomu ilə bitirib. 2013-cü ildə BDU-da neft kimyası ixtisası üzrə magistr təhsilini fərqlənmə diplomu ilə başa vurub.

2013-2017-ci illərdə Azərbaycan Respublikası Standartlaşdırma, Metrologiya və Patent üzrə Dövlət Komitəsində mütəxəssis-kimyaçı və böyük mütəxəssis-kimyaçı, 2017-2018-ci illərdə Azərbaycan Standartlaşdırma İnstitutunda aparıcı ekspert-kimyaçı vəzifələrində işləyib. 2018-2023-cü illərdə Azərbaycan Respublikasının Qida Təhlükəsizliyi Agentliyinin tabeliyindəki Azərbaycan Qida Təhlükəsizliyi İnstitutunda (AQTİ) kimyaçı, bölmə rəhbəri, laboratoriya müdiri və departament müdiri vəzifələrini icra edib. 2023-ci il iyun ayının 16-dan AQTİ-nin İdarə Heyətinin sədr müavini vəzifəsində çalışır. Rus və ingilis dillərini bilir.

Ailəlidir, 2 övladı var.

Elxan Əhmədov 
(Sədr müavini)

Elxan Nurəhməd oğlu Əhmədov 1987-ci il sentyabrın 14-də Bakı şəhərində anadan olub. 2009-cu ildə Bakı Dövlət Universitetinin Beynəlxalq münasibətlər fakültəsini bakalavr dərəcəsi üzrə bitirib. 2009-2010-cu illərdə "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində Böyük Britaniyanın Bristol Universitetində beynəlxalq münasibətlər ixtisası üzrə magistr təhsilinə yiyələnib.

2011-2016-ci illərdə “Qaya Real Estate” MMC-də məsləhətçi və menecment üzrə direktor müavini, 2018-2024-cü illərdə Azərbaycan Respublikası Qida Təhlükəsizliyi Agentliyində (AQTA) sədrin köməkçisi, Regional bölmələr və tabeli qurumlarla iş sektorunun müdiri, Bakı regional bölmənin rəisinin müavini, Daxili nəzarət və regional bölmələrlə iş sektorunun müdiri, Protokol sektorunun müdiri, Qeydiyyat və reyestrlərin aparılması şöbəsinin müdiri vəzifələrində işləyib.  2024-cü il sentyabrın 2-dən AQTA-nın tabeliyindəki Azərbaycan Qida Təhlükəsizliyi İnstitutunun İdarə Heyətinin sədrinin müavini vəzifəsində çalışır.

Rus və ingilis dillərini bilir.

Ailəlidir, 2 övladı var.

Ramazan Nəbiyev 
(Sədr müavini)

Ramazan Əli oğlu Nəbiyev 1987-ci il may ayının 2-də Ağdaş rayonunda anadan olub. 2012-ci ildə Türkiyə Respublikasında Ankara Universitetinin “Qida məhsulları mühəndisliyi” fakültəsini bitirib. 2020-ci ildə ADA Universitetində biznes üzrə magistr təhsilini başa vurub.

2013-2018-ci illərdə “Veysəloğlu-Yaycılı qardaşlar” MMC-də qida mütəxəssisi və texnoloq vəzifələrində çalışıb. 2018-2024-cü illərdə Azərbaycan Respublikasının Qida Təhlükəsizliyi Agentliyində (AQTA) məsləhətçi, aparıcı məsləhətçi, böyük məsləhətçi, İdxal və ixraca nəzarət şöbəsinin və Qida təhlükəsizliyi şöbəsinin müdiri vəzifələrində çalışıb. 2024-cü il sentyabrın 2-dən AQTA-nın tabeliyindəki Azərbaycan Qida Təhlükəsizliyi İnstitutunun İdarə Heyətinin sədrinin müavini vəzifəsində çalışır.

İngilis dilini bilir.

Ailəlidir, 1 övladı var.