Azərbaycan Sahibkarlar Konfederasiyası (ASK) və Azərbaycan Qida Təhlükəsizliyi Agentliyi (AQTA) tərəfindən həyata keçirilən əməkdaşlıq çərçivəsində onlayn formatda ASK üzvləri üçün silsilə təlimlər davam etdirilir.

Əməkdaşlıq çərçivəsində Azərbaycan Qida Təhlükəsizliyi İnstitutu (AQTİ) tərəfindən ASK üzvlərinə “HACCP prinsipləri əsasında qida təhlükəsizliyinin təmin edilməsi” mövzusunda vebinar keçiriləcək. Vebinarın 23 avqust 2022-ci il, saat 15:00-16:00-da keçirilməsi nəzərdə tutulub.

Vebinarda AQTİ-nin Təlim və konsaltinq şöbəsinin əməkdaşı Elvin Quliyev təlimçi qismində çıxış edəcək. İştirak üçün qeydiyyatdan keçmək və ad, soyad, təmsil edilən qurum, icra edilən vəzifə, e-mail ünvanı və əlaqə nömrəsini əlaqələndirici şəxsə (Zülfiyyə Vəliyeva, e-mail: zvaliyeva@ask.org.az, tel: +994 51 229 97 22) göndərmək mütləqdir.

Qeyd edək ki, seminarda iştirak etmək üçün məlumat linki yalnız qeydiyyatdan keçmiş şəxslərə göndəriləcək.