Çin Xalq Respublikasının Pekin və Nançonq şəhərlərində Çinin Ticarət Nazirliyi, Yilonq Vilayət Hakimiyyəti və Çin Qida və ferment Sənayesi Milli Tədqiqat İnstitutunun təşkilatçılığı ilə "Bir kəmər, bir yol" ölkələri üçün qida təhlükəsizliyi və sağlamlıq mövzusunda seminar keçirilib. Beynəlxalq seminarda AQTİ-nin Milli Referens Laboratoriyasının bialoji müayinələr bölməsinin bölmə müdiri  Aynurə Quliyeva da iştirak edib.

Seminar inkişaf etməkdə olan ölkələrdə ictimai infrastruktur layihələrin maliyyələşdirilməsi, idarə edilməsi məqsədi ilə təşkil edilib  

Tədbirdə Azərbaycan da daxil olmaqla, Çili, Qrenada, İraq, Qazaxıstan, Laos, Tayvan, Timor-Leste, Özbəkistan, Vanuatu və Tayland kimi 11 ölkədən 37 nümayəndə iştirak edib.

Seminarda Çində qida təhlükəsizliyi, qida təhlükəsizliyi qanunvericiliyinin mövcud vəziyyəti, milli və beynəlxalq standartlar, Çinin sosial və mədəni inkişafı, genetik modifikasiya olunmuş qidalar, texnologiya və metodlar və s. mövzularda mühazirələr səsləndirilib, müxtəlif ölkələrdən olan nümayəndələr arasında fikir və təcrübə mübadiləsi həyata keçirilib.