Bakıda “Yaşıl dünya naminə” Bitki Sağlamlığı Forumu keçirilir. Forum çərçivəsində "Bitki sağlamlığında elmi-tədqiqatlar və kadr potensialı" mövzusunda panel müzakirəsi keçirilib. Panel müzakirəsində AQTİ-nin Elmi Araşdırmalar Mərkəzinin Bitki sağlamlığı və risklərin qiymətləndirilməsi şöbəsinin müdiri Eldar Mustafayev "Bitki sağlamlığı sahəsində risklərin qiymətləndirilməsi" mövzusunda təqdimatla çıxış edib.

Qeyd edək ki, Forumun məqsədi bitki və bitkiçilik məhsullarının zərərli orqanizmlərdən qorunması, mövcud zərərvericilərə qarşı mübarizə və onların idarə olunması yolu ilə bitki sağlamlığının möhkəmləndirilməsi, bitki və bitkiçilik məhsullarının istehsalı və təhlükəsiz ticarətinin genişləndirilməsi, qlobal ərzaq təhlükəsizliyinin və biomüxtəlifliyin qorunması üçün milli bitki sağlamlığı qurumları, regional və beynəlxalq təşkilatlar, dövlət qurumları, universitetlər və istinad laboratoriyaları üçün əməkdaşlıq platformasının təmin edilməsidir.