Azərbaycan Qida Təhlükəsizliyi İnstitutunun (AQTİ) təşkilatçılığı ilə meyvə və tərəvəz istehsalı ilə məşğul olan sahibkarlarla videokonfrans formatında görüş keçirilib.

Görüşdə meyvəçilik və tərəvəzçilik sahələrindəki vəziyyət müzakirə olunub. Təsərrüfat sahiblərinə aqrotexniki qaydalar barədə ətraflı məlumat verilib, mövcud çatışmazlıqlar nəzərdən keçirilib. Həmçinin sahibkarların fikir və təklifləri dinlənilib, onları maraqlandıran suallar cavablandırılıb.

Qeyd edək ki, AQTİ sahibkarlıq subyektlərinin maarifləndirilməsi və sahə üzrə məlumatlandırılması ilə bağlı tədbirləri bundan sonra da davam etdirəcək.