Azərbaycan Qida Təhlükəsizliyi İnstitutu (AQTİ) “Məktəblilərin qida bələdçiləri” layihəsi çərçivəsində iştirakçılarla növbəti görüş keçirilib. Görüşdə AQTİ mütəxəssisi tərəfindən "Təhlükəsiz qidalanmanın əsasları-nələri bilməliyik?" mövzusunda təqdimat nümayiş olunub.

Təlimdə ümumtəhsil müəssisələrində fəaliyyət göstərən heyətin idarə olunması və qida təhlükəsizliyinin təmin olunması, qida çirkləndiriciləri, zərərvericilərə qarşı mübarizə və s. kimi mövzulara yer verilib. Eyni zamanda iştirakçılar tullantıların utilizasiyası, çarpaz çirklənmənin qarşısının alınması üçün tədbirlər və qida məhsullarının təchizatı prosesi ilə nəzəri şəkildə tanış olublar.

Qeyd edək ki, "Məktəblilərin qida bələdçiləri" layihəsi Azərbaycan Qida Təhlükəsizliyi İnstitutu tərəfindən UNICEF-in dəstəyi və Təhsil Nazirliyinin iştirakı ilə keçirilir. Təlimləri uğurla başa vuran iştirakçılar  fəaliyyət göstərdikləri məktəblərdə bufetlərin fəaliyyəti, həmçinin tərəflərin qida təhlükəsizliyi və sanitar qaydalara hansı formada əməl olunmasına ictimai nəzarəti həyata keçirəcək.