- AQTA-nın “Sağlam məktəbli” layihəsi uğurla yekunlaşıb
- AQTİ ölkədə fəaliyyət göstərən laboratoriyalar üçün səriştəlilik sınaqlarının təşkilini davam etdirir
- AQTİ ölkədə fəaliyyət göstərən laboratoriyalar üçün səriştəlilik sınaqlarının təşkilini davam etdirir
- “Məktəblilərin qida bələdçiləri” “Açıq qapı” günündə iştirak ediblər
- “Məktəblilərin qida bələdçiləri” “Açıq qapı” günündə iştirak ediblər
- Sahibkarlıq subyektləri üçün Xaçmazda “Təcrübə mübadiləsi” təşkil olunub
- Sahibkarlıq subyektləri üçün Xaçmazda “Təcrübə mübadiləsi” təşkil olunub
- AQTİ elektronçu-mühəndis vəzifəsi üzrə işə qəbul elan edir
- AQTİ elektronçu-mühəndis vəzifəsi üzrə işə qəbul elan edir
- AQTİ-də “Risk əsaslı yanaşma və prosesin optimizasiyası” mövzusunda təlimlər başlayıb
- AQTİ-də “Risk əsaslı yanaşma və prosesin optimizasiyası” mövzusunda təlimlər başlayıb
- Məktəblilərə qida məhsulları ilə davranış qaydaları barədə məlumat verilib
Azərbaycan Qida Təhlükəsizliyi İnstitutunun (AQTİ) SOVQAT layihəsi çərçivəsində budəfəki “Peşəkarlarla görüş” saatında “Qida sənayesi müəssisələrində MSDS təlimatı və təmizlik heyəti üçün kimyəvi vasitələrdən istifadə qaydaları” mövzusu müzakirə olunub.
Görüş iştirakçılarına kimyəvi vasitələrin potensial təhlükəsi, onlardan istifadə zamanı təhlükəsizlik qaydaları barədə ətraflı məlumat verilib. Bildirilib ki, hər bir kimyəvi maddənin MSDS (Material Safety Data Sheet) təlimatını diqqətlə oxumaq şərtdir. İstehsalçı tərəfindən hazırlanan bu MSDS təlimatında məhsulun tərkibi, toksikilik səviyyəsi, istifadə qaydaları ilə bağlı məlumatlar əksini tapır. Bu məlumatları oxumaqla, məhsulun təhlükəsindən agah olmaqla iş yerlərində kimyəvi dərmanların mümkün təhlükəsindən qorunmaq olar. Kimyəvi vasitənin təhlükəsizlik məlumatları üzrə təlimatında məhsuldan düzgün istifadə etməyin qaydası ilə yanaşı, tövsiyələrə əməl olunmadığı təqdirdə baş verə biləcək hallar, təhlükə yarandığı halda atılacaq addımlar, kimyəvi zəhərlənməyə məruzqalma zamanı davranış qaydaları barədə də məlumatlarla tanış olmaq vacibdir.
Görüş iştirakçılarına qida sahəsində fəaliyyət göstərən müəssisələrdə kimyəvi vasitələrin düzgün saxlanma qaydaları və şərtləri barədə də ətraflı məlumat verilib. İnteraktiv formada keçirilən görüşdə vurğulanıb ki, təsadüfi dağılmalar zamanı kimyəvi vasitənin ətraf mühitə və işçi heyətin sağlamlığına törədəcəyi təhlükənin qarşısını almaq üçün görüləcək tədbirləri, həmçinin yanğına səbəb olarsa, onunla mübarizə üsullarını, maddənin toksiki təsirinə məruzqalmadan mühafizə yollarını bilmək vacibdir. Kimyəvi vasitələrin istifadəsi zamanı müəssisənin təmizlik heyətinin fərdi mühafizə və digər gigiyenik vasitələrlə təmin olunmasının zəruriliyi barədə də müzakirələr aparılıb.
Görüşdə əlverişli və sağlam biznes mühitinin formalaşdırılması məqsədilə sahibkarlıq subyektlərinə dəstək olaraq icrasına başlanılmış SOVQAT layihəsinin üstünlüklərindən də bəhs olunub. Qeyd edilib ki, SOVQAT - Sahibkarlıq Obyektlərinə Vahid Qida Anlayışının Tətbiqi layihəsinin məqsədi qida məhsullarının ilkin istehsalı, tədarükü, istehsalı, emalı, qablaşdırılması, saxlanması, daşınması, dövriyyəsi (o cümlədən idxal-ixrac əməliyyatları) daxil olmaqla qida zəncirinin bütün mərhələlərində fəaliyyət göstərən sahibkarların yeni qida təhlükəsizliyi sisteminə inteqrasiyasını təmin etməkdən ibarətdir.
Videobağlantı formatda keçirilən görüşün sonunda kimyəvi məhsulların daşınması zamanı baş verə biləcək qəzalardan qorunmaq üçün sahibkarları maraqlandıran suallar da AQTİ-nin mütəxəssisləri tərəfindən cavablandırılıb.