AzərbaycanQida Təhlükəsizliyi İnstitutu
Tibb Universitetinin tələbələri AQTİ-də istehsalat təcrübəsi keçəcək
18-02-2021 10:24

Bacarıqlı və potensiallı kadrların seçilərək Azərbaycan Qida Təhlükəsizliyi İnstitutu və onun tabeliyində fəaliyyət göstərən laboratoriyalarda işə cəlb edilməsi istiqamətində tədbirlər davam etdirilir. Bu məqsədlə AQTİ-də Azərbaycan Tibb Universitetinin tələbələri ilə görüş keçirilib.

Görüş zamanı AQTİ-nin bir sıra departament rəhbərləri ölkəmizdə yeni qida təhlükəsizliyi sisteminin qurulması istiqamətində görülən işlər, qurumun fəaliyyəti və təcrübə keçəcək tələbələrə görəcəyi işlərlə bağlı ətraflı məlumat verilib. Bildirilib ki, təcrübə müddətində onlara nəzəri biliklərini əyani şəkildə tətbiq etmək üçün geniş imkanlar yaradılacaq. Bununla yanaşı, tələbələrin təcrübə proqramına cəlb edilmələrinin onların peşəkar kadr kimi yetişmələrində mühüm rol oynayacağı vurğulanıb.

Görüşdə tələbələrin peşəkar kadr kimi yetişmələrində köməklik göstərmək məqsədilə Azərbaycan Tibb Universitetinin İctimai səhiyyə fakültəsinin tələbələrinin 3 ay müddətində AQTİ-nin struktur bölmələrində istehsalat təcrübəsi keçmələri qərara alınıb.

Sonda görüş iştirakçılarının sualları cavablandırılıb.

Xəritədə biz
Laboratoriyalar

Nümunə analiz cavablarının statusunun öyrənilməsi – Tezliklə xidmətinizdə olacaqdır