Xarici Müəssisələrin Qiymətləndirilməsi

Azərbaycan Qida Təhlükəsizliyi İnstitutu, respublikamıza idxal edilən qida məhsullarını istehsal edən xarici ölkələrdə yerləşən obyektlərin yerində və onlayn qiymətləndirilməsini həyata keçirir.

“Qida təhlükəsizliyi haqqında” Azərbaycan Respublikası Qanununa uyğun olaraq aparılan qiymətləndirmə zamanı müəssisələrin ixrac potensialı, gigiyenik vəziyyəti, qida təhlükəsizliyi üzrə tələblərin qarşılanma səviyyəsi, məhsulların izlənə bilmə sistemlərinin mövcudluğu və digər məqamlar nəzərdən keçirilir və təhlillər aparılır. Aparılan təhlillər nəticəsində müəssisənin ümumi uyğunluq səviyyəsi müəyyən olunur. Bu yanaşma həm istehsal olunan məhsulların beynəlxalq ticarət tələblərinə cavab verməsini, həm də istehlakçılar üçün təhlükəsiz olmasını təmin etməyə xidmət edir.